السلام عليكم ..
انا اليوم جايبه لكم شعر انشا الله يعجبكم ...
تعالي نكشف الاوراق مـدام أنـك تركتينـي
نعاتب بعضنا بالورد ونرمي الشوك والاغصان
عطيتي حب ماانكر وهزّيتـي الحشـا فينـي
وكانت لحظتي وياك كعشق الروح والاوطـان
تعاهدنا على الاخلاص برب الكون والديينـي
وكلمة حق في عهدك ملاك العهد مو انسـان
وصدّقني اذا اخدش في حبـك يانظـر عينـي
انا كلي على كلي كلامي فيـك انـا غلطـان
حبيب العمر سميتـك كتبتـك فـي عناوينـي
ولا يسكن احد غيرك ابد في القلب من سكـان
وعدّا الوقـت بالاعـوام ويـدّك دوم بيدينـي
ولا يقدر يفرّقنا ولـو ساحـر يحضّـر جـان
وحتى الورد من حولي كثير(ن) كان يغرينـي
ولا هزّوا شعوري قط لأنك ساكـن الوجـدان
الين الحال غيّر حال وقربـك صـار يوذينـي
تحملـت الأذى لجلـك ولكـن للحمـل اوزان
حبيبي العذر ماهو بنـت ولا عـاذل يملّينـي
حبيبي العذر هو شخصك كثير القول والحسبان
تغار وليتها غيـره بشمـع الشـك تكوينـي
وانا ساكت على ظلم(ن) يقطّع خافقي بجنـان
انا ادري بحبك بس غصون الشـك تعمينـي
وما اقدر اواصل عوم ببحر(ن) فيه انا غرقان
في مره والجمر شاعل مابين الشك ومابينـي
تلاطفنا انا وليلـي وليلـي بالخفـا عنـوان
كثر ماشفت من جورك كلامه كان يواسينـي
ولايدري بحبي لـك الـى ماصـار بالخفيـان
تقابلتوا سوا الاثنين وقطّعتـوا اللحـم فينـي
وصرتوا بالفلم ابطال ودوري فيه انا الخـوان
ابي تعرف مثل ويقول مدام البيت بـه زينـي
ولا عمر الرجل يطلع مدام البيت لـه بستـان
حبيبي هذي اوراقـي رميـت اللـي يبكينـي
على ماضي بحبك راح وصار بصفحة النسيان
انا ماجيت ابشكي لـك ولا جيتـك تضمّينـي
ولاني طامع(ن) بالعطف ونرجع بالهوى خلان
انا جيـت بكفـن حبّـك اعزيـك وتعزّينـي
وداعا والدمع بالعين وداعا والجسـم بـردان
وذا مرّه خيالي مـر بذكـرة طيـف نادينـي
وقول الله يسترنـا بقصـة كـان يامـا كـان
انا اليوم جايبه لكم شعر انشا الله يعجبكم ...
تعالي نكشف الاوراق مـدام أنـك تركتينـي
نعاتب بعضنا بالورد ونرمي الشوك والاغصان
عطيتي حب ماانكر وهزّيتـي الحشـا فينـي
وكانت لحظتي وياك كعشق الروح والاوطـان
تعاهدنا على الاخلاص برب الكون والديينـي
وكلمة حق في عهدك ملاك العهد مو انسـان
وصدّقني اذا اخدش في حبـك يانظـر عينـي
انا كلي على كلي كلامي فيـك انـا غلطـان
حبيب العمر سميتـك كتبتـك فـي عناوينـي
ولا يسكن احد غيرك ابد في القلب من سكـان
وعدّا الوقـت بالاعـوام ويـدّك دوم بيدينـي
ولا يقدر يفرّقنا ولـو ساحـر يحضّـر جـان
وحتى الورد من حولي كثير(ن) كان يغرينـي
ولا هزّوا شعوري قط لأنك ساكـن الوجـدان
الين الحال غيّر حال وقربـك صـار يوذينـي
تحملـت الأذى لجلـك ولكـن للحمـل اوزان
حبيبي العذر ماهو بنـت ولا عـاذل يملّينـي
حبيبي العذر هو شخصك كثير القول والحسبان
تغار وليتها غيـره بشمـع الشـك تكوينـي
وانا ساكت على ظلم(ن) يقطّع خافقي بجنـان
انا ادري بحبك بس غصون الشـك تعمينـي
وما اقدر اواصل عوم ببحر(ن) فيه انا غرقان
في مره والجمر شاعل مابين الشك ومابينـي
تلاطفنا انا وليلـي وليلـي بالخفـا عنـوان
كثر ماشفت من جورك كلامه كان يواسينـي
ولايدري بحبي لـك الـى ماصـار بالخفيـان
تقابلتوا سوا الاثنين وقطّعتـوا اللحـم فينـي
وصرتوا بالفلم ابطال ودوري فيه انا الخـوان
ابي تعرف مثل ويقول مدام البيت بـه زينـي
ولا عمر الرجل يطلع مدام البيت لـه بستـان
حبيبي هذي اوراقـي رميـت اللـي يبكينـي
على ماضي بحبك راح وصار بصفحة النسيان
انا ماجيت ابشكي لـك ولا جيتـك تضمّينـي
ولاني طامع(ن) بالعطف ونرجع بالهوى خلان
انا جيـت بكفـن حبّـك اعزيـك وتعزّينـي
وداعا والدمع بالعين وداعا والجسـم بـردان
وذا مرّه خيالي مـر بذكـرة طيـف نادينـي
وقول الله يسترنـا بقصـة كـان يامـا كـان
